Corruption laka fihlim a insawi sorkar uluk takin kan hotuten an thlir mek, Documents fel tak nen Law Court a kalpui turin ruahmanna an siam mek. Lal Thanzara
Vawiin ni 10.06.2026 khan Lal Thanhawla Auditorium, Congress Bhavan-ah Aizawl District Congress Committee Area Block President Joint Committee neih a ni a. MPCC President Lal Thanzara'n a hmanpui.
MPCC President Lal Thanzara chuan Congress Block president kalkhawmte chu kohhran leh khawtlanga thiltihna a tel tam tur a fuihin, mahni sahmim tih puarna tura rilru seng lova mipuite rawgbawlna rilru pu a theih tawp a hma la thin turin a ngen a. Vawiin a mite hian tihtakzet a kan awmna bial a tan kan lak chuan 2028-ah Congress Party Pathian in min hruia chhuak leh ang, a ti.
MPCC President chuan, MNF in an ngam loh chalah chil an hnawm a, Independence an sual a, chumi avang chuan Mizoram pumpui kan buai a tah leh ha thial kan tawng a. Chung atanga kan phurrit te chhanchhuak tura Pathian in a thlan chu Congress Party kan ni, a ti a. Lal Thanhawla leh a thawhpuite avangin kan ramah remna leh muanna a awm a. Laldenga ho te’n inremna ruahhmanna an pawm avang pawh a ni tel awm e. Heng zawng zawng a thlen theihna chhan chu Central leh Mizoram a Congress sorkar vang a ni, a ti.
MPCC President chuan, tuna sorkar mek te’n ram tan eng nge an chhawp chhuah dawn kan en dawn a. An sawi lar ber MUCHS mipuiin kan chhawr dan pawh hi kan ngaihtuah chian a ngai a. Ram in eng nge kan tawrh thung zawk dawn, he sorkar liam hnu a sorkar lo piang leh turin eng ang phurrit nge kan phurh dawn tih kan ngaihtuah a ngai a. Corruption laka fihlim a insawi he sorkar kal dan hi uluk takin kan hotuten an thlir mek a, documents fel tak nen Law Court a kalpui turin ruahmanna an siam mek a ni.” a ti.
Lal Thanzara chuan, “Mizo mipui Christian za ah za (100%) a inchhal thin kan ni. India ram hmun hrang hrangah Kohhran pawl hrang hrang ten BJP kut an tuar nasa em em ai. India rama Christian nuai chimih duhtu, chanchin tha hrilh kawnga harsatna min siamtute nena kan inzawm hian malsawmna kan dawng ang ngem tih hi kan ngaihtuah a ngai a. India leh Mizoram ah hian Congress Party kan sorkar loh chuan hnam hnufual kan nihna angin harsatna ka tawk ang.” a ti bawk.
