Dawt leh puitling theilo tur duhthusam sawia mipui hruaibo ṭhinte hi kan hnawl ngam a ngai. Lalbiakzama MPCC GS
Vawiin June 5, 2026 Zirtawpni khan Mizoram Pradesh Congress Committee chuan Congress Bhavan-ah Political Session an nei a, MPCC General Secretary Lalbiakzama chuan thu sawiin, "Mizoram-ah inhlawhfa mahni ram nei lo (landless labourers) kan awm ve ta nual mai hi nakin zela kan khawtlangah inthliarna/dinhmun intluklohna nasa tak rawn thlentu a la ni dawn. Tun aṭang hian solution kan ngaihtuah a ngai." a ti.
Lalbiakzama chuan "Dawt leh puitling theilo tur duhthusam sawia mipui hruaibo ṭhinte hi kan hnawl ngam a ngai. Kum thum chhung intodelh te, Darzo luite atanga 2400 MW power siam te kan ti mai mai, thiltheih a ni lo. Hetiang min tiam an awm chuan thalaite min hmusit ti rawh u, Ṭhalaite i ṭhangharh ang u, a ti.
Lalbiakzamam chuan, BJP te aiawt chiah chhungah lut lo turin an chawchah (bait) te hi it lo ngam ang u. Kan ram, kan hnam leh kan sakhua ralna tur a ni dawn. BJP sorkar hnuaiah India dinhmun a chhe tial tial a, thenawm ram rethei te nen kan pawisa hlutna pawh a intluk deuh reng tawh. BJP rorel hnuah exam paper leak hi tum ruk (6) vel a thleng tawh a, an minister te emaw tumahin mawhphurhna an la ngai lo.
Central ah INC te kan ding chhuak hnai ta. Tuna CJP leh Student protest kal mek hian BJP sorkar leh party hi a nghawng na dawn. A sawi a sawi, a tak hmuh tur awm silo an ni tih hi India ram ṭhalai ten an hmu in an hre tawh" a ti bawk.
