Education Minister in dawt hulhual a sawi. Thudik lo mipui a hrilh a ni. MPYCC.
Education Minister Dr. Vanlalthlana’n Samagra hian kalphung a nei a, nuai 30 chunglam chu tender vek a ngai, kan sorkar hnu hian nuai 30 chunglam chu kan tender vek, a tih hi dawt hulhual a ni a, thudik lo mipui a hrilh a ni. MPYCC.
Vawiin khan Congress Thalai chuan thuchhuah siamin, Samagra Financial Rules hian chhan leh vang tha tak a awm a nih chuan Restricted Tender phal chin te a nei a. Chutih laiin nuai 30 chunglam chu open tender ngei ngei tur a ni, an ti a. Open tender dan tur pawh a siam fel vek a. TiLi Firm, a neitu ZPM hotu lawk takte chhungkhat hnai tak chu Open Tender chu sawi loh, Restricted Tender pawh ni pha lo, Expression of Interest pawh siam lovin Education Minister hian Rs. 59, 00,000 (nuai sawmnga pakua) man tehmeuh chu pawisak nei miah lovin a thenawm chawhmeh suahin Work Order engmah siam lovin, TiLi Firm leh Samagra hian Agreement an ziak tawp a. Work order emaw, contractor/firm te sorkar department nen agreement an ziahah tu Minister mahin an sign ngai miah loh laiin he agreement-ah hian Education Minister Dr. Vanlalthlana hian hian a hming a signed hi dan palzutna dik takah Congress Thalai chuan a ngai a ni, an ti.
MPYCC chuan, hetiang hi department dangah chuan estimate amount atanga 5% te, 10% te a nih tlangpui thin laiin, he agreement TiLi leh Samagra in an ziah dan hi chuan, estimate amount Rs. 59 lakhs atanga 40% lai, chu chu Rs 23,60,000.00 (nuai sawmhnih pathum, singruk) hi engmah hnathawh awm hmai,n Samagra in TiLi Firm hnenah Mobilisation Advance atan a pe tawp tihna a ni, an ti a. Hetiang khawpa mawi leh mawi lo pawh ngaihtuah lova uchuak taka induhsakna ZPM party a nihna pawimawh tak chhungkhat hnai tender lova hna pek hi 'Dawt' a ni lo tih Zoram mipuite’n an hriat hi Congress Thalai chuan a duh a ni, an ti bawk.
MPYCC chuan, Opposition an nih laia Restricted tender kan ti ve lo vang tia nasa taka sawi sel a, departmental works sawisel nasa em em thin tuten, 'MNF leh Congress pawhin an lo ti a, kan ti ve mai a ni' tia Education Minister-in departmental works hna pek a sawimawi ta mai hi, mahni thutiama an din lohzia a puang chhuakah Congress Thalai chuan a ngai a. Education Minister zahawm tak hi MLA candidate an nihlaia an thutiam 'Chhung leh khat, mahni party mite duhsak bikna lakah ka inthiar fihlim ang' tia an intiamna te leh Kohhrana rawngbawltu chhungkuaa zichhuak a nih hre thar tur leh pawisa turin MPYCC chuan a chah a. Dawt hmanga in sawimam tum lovin a nihna tak sawi tawh turin an thuchhuah-ah chuan an ngen bawk a ni.
