Education Minister hi a hnathawh that aiin a chanchin mawilo zawng ziah leh hmuh tur a tam zawk. MPCC President
Vawiin April 13, 2026 Thawhtanni khan Mizoram Pradesh Congress Committee chuan Monday devotion leh Political Session an nei a, MPCC Lalthanzara'n thu sawiin, "Hmanni ah Education Dept ah in duhsakna hlei hluai tak a awm avangin kan Thalai ten a copy an hal a. Education Minister hian street campaign an neih tumin a thusawi-ah, Congress party hi beih tham ah pawh kan ngai lova, MNF nen hian kan in bei ngawr ngawr a, hman ni ah kan CM an rawn bei ve a. Tunah kei min rawn bei ve a, beih tlak ah min ngai ve ta niin ka hria tih thu a sawi a. "Education Minister hi a chanchin chanchinbu a kan hmuh chinah a hnathawh that aiin a chanchin mawilo zawng ziah leh hmuh tur a tam zawk a. Pa fel tak ani chung hian a Dept enkawl hi a hneh vak lo em ni chu aw tih tur a ni, a ti.
Lalthanzara chuan, "Congress hi ngaihsan tham kan awm lo, kan ruh rel lian viau mahse kan opposition rei deuh tawh a, chu tih rualin tun din hmunah member thar hmun hrang hrangah kan nei thar zel a. Vawiin ah pawh mi 42 lai kan lawmlut ani. Hei hi kan theih vang te, kan chak vangte ani lova, Pathian min hruaina zawk ani. Pathian thuah Pathian a innghat tlat te lamah kan Pathian hi a tang thin tih kan hmu a. Kan hmalawk a AMC inthlan lo awm tur hi Pathian hnena innghat chungin Congress party chuan kan hmachhawn dawn a ni, a ti.
MPCC President chuan, "MNF hi Official in NDA ah a tel a, ZPM hian Official takin NDA ah tel lo mahse, inthlan dawn a sum rawn finance tute BJP an nih avangin ZPM sorkar hian BJP dodal zawngin ke an pen ngam lova hma an la ngam lo a ni, a ti a. Hengte avang hian kan ram hian lei malsawmna kan dawn loh phah niin a lang a. Congress party hi engtik ah mah BJP te nen sam inphiar zawm ngailo tur party kan ni, a ti bawk.
"ZPM leh MNF hi tunlai chu an inbei nasa in an in cho reng mai a. Brigade field chung changah te pawh nasa takin an in bei a, politics a inbeihna ringawt mai hmuh tur leh chhiar tur awm hi a ninawm zo zai tawh a. Mizoram Assembly Session neih zawh takah te khan speaker in a mawhphurhna a hlen zo lo a, House chhungah a tawng thei thei a au ring thei thei ten thu an sawi ringawt mai a, a zahthlak tak zet a, ni MPCC President chuan a ti bawk.
