MPCC Action Committee in June, 2026 ral hma ngei a Petrol leh Diesel a cess lak ti tawp turin CM an ngen
Dated Aizawl the 17th June, 2026 Vawiin khan MPCC Action Committee chuan Chief Minister officah kalin, Petrol leh Diesel a cess lak ti tawp tura ngenna lehkha an pe.
A lehkha-ah chuan : Khawvel hmun hrang hrangah Oil man a pun chhoh zel avangin India ram leh Mizoram ah pawh namen lo in Petrol leh Diesel man a lo pung chho ta a. Kan hriat theih chinah Mizoram ah bik Petrol leh Diesel man a san ber tum a ni hial awm e. Heti taka POL man a lo pun chhoh tak avang hian mipuite leh lirthei a eizawng tam takin harsatna an tawk chho mek a. Hetiang taka POL man a pun chhoh tak avanga mipuiin harsatna lian zawk kan tawh zel loh nan Mizoram sorkarin September 2024 atanga Petrol leh Diesel atanga Social Infrastructure & Services Cess Rs.2 per litre leh Road Maintenance cess Rs.2 per litre, a vaiin litre khat a cess Rs.4 zel a lak mek hi mipui phurrit chhawk zangkhai nana titawp rih turin Mizoram sorkar kan ngen a. Mizoram sorkar hian VAT atangin Petrol leh Diesel ah chhiah tam tawk tak a lak sa reng tho avangin POL man tipung lehzual tura litre khat zela Mizoram sorkarin cess Rs.4 a lak belh mek hi mipuite zangkhai zawk nana sut turin MPCC chuan Mizoram sorkar kan ngen a ni.
Mizoram sorkarin Petrol leh Diesel atanga litre khat zela cess Rs.4 a lak mek hi June thla, 2026 ral hma ngei a sut turin Mizoram sorkar kan ngen a. Kan hun tiam chhunga POL atanga cess lak hi tihtawp a nih loh chuan Mizoram Pradesh Congress Committee chuan mipui te thlavang hauh turin hma a lak chhunzawm zel dawn a ni. Tih an ziak a ni
