ZPM Thalai chuan an Party Elected President Lalliansawta’n charge a la leh thei chu an lawmpui thu an sawi
Date. 17th June 2026(Nilaini) Vawiin khan ZPM Thalai General Headquarters, Aizawl chuan thuchhuah siamin, ZPM General Headquarter’s Elected President Lalliansawta’n President Charge a la leh thei chu an lawmpui thu an sawi.
ZPM Thalai thuchhuah chuan, 22nd April 2026 khan ZPM General Headquarter’s chuan Office Order chhuahin, Taksa lam harsatna avangin kan Elected President Lalliansawta chu a President nihna hun engemaw chen a chawlh rih a ngaih thu leh a chawlh chhunga President charge lo la rih turin kan Chief Minister Lalduhoma chu ruat a nih thu an sawi a. Chief Minister hian thla hnih dawn President charge a lak hnuah kan Elected President Lalliansawta’n taksa hriselna lama hmasawnnate a neih chhoh tak avangin naktuk 18th June 2026 atangin President charge a la leh thei dawn a ni a, tha taka President charge a lak theih nan leh a term chhung tluang leh hrisel taka a hman zawh theih nan ZPM Thalai General Headquarter’s chuan kan duhsakna sang berk an hlan nghal a ni, an ti.
Hetih rual hian taka lama harsatna tawk mek kan Elected Senior Vice President W. Chhuanawmam MLA, Deputy Chief Whip pawh hriselna chhang chho zel turin ZPM Thalai General Headquarter’s chuan kan tawngtai pui reng a ni, an ti bawk.
