Ramri chungchang-a veng pahnih inkara buaina chingfel turin committee din a ni
Vawiin June 17, 2026 khan AMC hruaitute chuan, AMC Conference Hall-ah Dawrpui Veng leh Chhinga Veng khawtlang hruaitute kawmin, ramri-a buaina chungchang an sawiho a, ramri chungchanga buaina an neih chu chingfel turin committee din a ni a.
Veng pahnih atanga khawtlang hruaitu kalkhawmte chuan committee-in hma a lakna piah lamah hmalakna dang awm tawh lo se tih chu an pawm. Veng aiawhte hian ramri buaina chungchang leh a kaihhnawih thil thleng pawh an sawi ho a, chingfel turin lungrual takin Committee on Land Dispute between Chhinga Veng and Dawrpui Veng an din a. Chairman-ah R. Lalawmpuii, Deputy Mayor, AMC. Vice Chairman-ah B. Lalawmpuii, Corporator, Ward No. 9. Secretary-ah K. Vanlalruata, Deputy Municipal Commissioner te bakah AMC Corporator pali leh Veng pahnih aiawh khawtlag hruaitute leh Prominent Citizen te an tel a ni.
