Mizoram Jail tang zingah retheihna avanga thil sual tih duhna nei zaa 68.4 an awm
Synod Prison Ministry Ramhlun Vengchhak Presbyterian Kohhran Hall-a Synod hnuaia hmun hrang hranga rawngbawltute leh tualchhung kohhran hruaitute pualin 'Jail tang zirchianna' tih thupui an zirho naah, Synod Prison Ministry Director Rev. Lalhleia chuan Synod Prison Ministry in Mizoram-a jail hrang hranga tang te dinhmun nikum 2025 kum tawp lam khan zirchianna an neih thu a sawi a. Mizoram jail tang 1735 zinga 676-te chu zu leh ruihhlo kaihhnawiha tang an ni a. jail tang zawng zawng atanga zaa 47.8 a ni, a ti.
Synod buatsaih 'Jail tang zirchianna' tih thupui zirhona neihah hian Synod Prison Ministry Director Rev. Lalhleian Mizorama jail hrang hranga tang te dinhmun an zirchian naah, Mizoram chhunga jail 10 awmah jail tang mi 1735 an awm mek a, heng mi te jail tan chhan tam ber chu zu leh ruihhlo kaihhnawih a ni a. Mizoram-a táng zingah retheihna vanga thil sual tih duhna nei za-a 68.4 an awm thu a sawi a. Jail tang an zirchian chhan ber chu Kohhran, NGO leh mimal thahnemngai rawngbawltute rawngbawlna a sawt em em laiin, tun aia hma an sawn leh zual na tur hriat nan atan a nih thu a sawi bawk.
