2026-2027 High School academic session April ni 1, 2026 (Nilaini)-ah ṭan dawn.
Vawiin ni 12.03.2026: khan School Education Minister Dr. Vanlalthlana kaihhruainain, High School academic calendar chungchang chu a pisa-ah School Education Department official-te nen sawi ho.
Meeting hian Mizoram Education Reforms Committee ṭhut khawm vawi 14-na leh 15-na rawtna chu zir hovin an ngaihtuah a. Kum 2026-2027 High School academic session chu April ni 1, 2026 (Nilaini)-ah ṭan ni se tiin a rel.
First Term exam leh result puan chu July ni 7 aṭanga July ni 17, 2026 chhunga peih fel hman tura tih a ni a. Second term chu July ni 21, 2026-a ṭan tura tih niin exam leh result puan chu October ni 19 aṭanga October ni 30, 2026 chhunga peih fel tura tih a ni.
Third term hi November ni 3, 2026-a ṭan tura tih niin December ni 21, 2026 aṭanga January ni 5, 2027 inkar chu thlasik chawlh atana tih a ni a. Third term exam leh result puan hi January ni 18, 2027 aṭanga January ni 29, 2027 chhunga tih fel tura rel a ni.
HSLC examination chu February 2027 chhunga buatsaih ni se tih a ni a. Higher Secondary School chu a ngai anga kal tura rel tawh sa niin April ni 1, 2026-ah class kal ṭan tur a ni.
