Mizoram dinhmun harsa, retheihna leh sualna tinrengin chim mek tung ding leh tur hi Congress lo chu a awm lo. C. Lalngaihthanga MPCC Secretary
Vawiin July 13, 2026 khan Congress party chuan Congress Bhavana Golden Hall ah 'Political Session' an nei a, MPCC Secratary C. Lalngaihthanga chuan thu sawiin, kan ramah hnam dang hnathawk a nuai fe an awm a, kan hnathawh duh loh thawkin an awm a. Kum khat chhunga kan sum kan pek hnem tur zia hi ngaihtuah tham a ni. Kan ram leh hnam kalphung hi bengsika ngaihtuah a ngai tawh takzet a ni, a ti.
Lalngaihthanga chuan, Zofate hi hnam dang aiin thluakah kan duai bik lo. Kan ram mipuite hi kawngdik kan zawhpui phawt chuan kan ram hi ram nuam leh hausa a la ni thei ngei dawn a ni. Mipuite kawng dik kan zawhpui a ngai a. Kan vaiin kan pawimawh vek a, kan mawhphurhna te hre reng ila. A pawimawh ber Bible-ah innghat tlat ila. Bible a innghat tlatte chu hnam dingchhuak an ni thin a. Mizoram hi kan intodelh thei a ni, intodelh lo ram chu ram zahawm an ni ngai lova, a chhunga chengte pawh hnam zahawm an ni ngai lo. Ei leh bara intodelhloh chuan kan dinhmun a derthawng mai. Kan retheihna te hi tan lak thar nan hmang ila, taima leh rinawm takin thawk vek ila, mihring thawlna Mizoram hi kan intodelh loh bik ang le. Eng hna pawh a thawktu in rilru leh tih takzeta a thawh chuan hna zahawm a ni mai. Thenkhatin hnathawh kawr an hlau te hi chu a pawi ngawt mai. Hnam zahawm ni tur chuan mahni intodelh nih a tul. Mahni intodelh tur chuan nasa taka hnathawh a ngai phawt a ni. Pathian nung chungah rinna tak tak kan nghah tlat chuan engkim a tha zel ang, a ti bawk.
