ZPM Sorkar in Mizoram Contract hna-ah World Record an siam. TT Zothansanga Ex-MLA(Chhiar zawm duh tan link a luh aw)
Vawiin July 10, 2026(Zirtawp) khan Congress party chuan Congress Bhavana Golden Hall-ah 'Political Session' an nei a.TT Zothansanga, Ex-MLA leh PAC member, MPCC chuan thu a sawi.
TT Zothansanga chuan, "Congress Sorkarin a tulah chauh Restricted Tender kan kal pui a, ngaimawh tham a awm lo. Public-ah pawh sawi a awm lo tluk a ni a, restricted tender kan pawngsual ve lo." a ti. MNF-in an rawn uar hle a, PWD leh Sports Deptt. ah chauh pawh Rs 8,62,12,49,814/- Restricted Tender an inpe a, CM chhungte pahnih – Kamrula leh Zoramchhana te (Rs. 1,37,15,35,820 + Rs 74,75,98,928) phei chuan Rs 2,11,91,34,748/- zet duhsakna uchuak an hmu a ni.
Tuna kan CM hian MNF te khan Restricted Tender inpekah Dan 5 an bawhchhiaa sawiin, he Corruption tobul hi an tih ve loh tur thu vawi duai lo a sawi a. Restricted tender hi ZPM hnuaiah hriat a nih tawh loh tur thu a sawi a ni. Manifesto-ah te hial an dah a, Dan kalh a nih thu te, Contractor-te chauhin Contract hna an thawh tawh tur thu te, Restricted Tender an la tih ve dawn loh avanga sum dinhmun siam that a nih tur thu te a sawi a. An han tling a, kar lovah Consultancy Firm 328 an Empanelled nghal a. CM kal tlang chauhva RT leh Departmental hna thawk turin Order te a chhuak ta a. SASCI sum Rs. Vbc. 629.17 leh 328 = (Rs. 957.17 Cr) Blanket Approval-in CM-in a pe vat a, hei hi Mizoram Contract hnaa World Record a ni. CM kaltlangin hna 135 Rs 986.71 Crore (Vbc zakua sawmriat paruk leh nuai 71) an inpe tawh a ni, a ti.
TT Zothansanga chuan, tunah hian Deptt. lian (CM chan tel lovin) 14 vel zirchian na neiin, a dang Deptt. 15 chuang zir rih loh a ni, a ti a. Zirchian chinah Restricted Tender a hna inpek - Rs. 46,36,98,57,130/-, Departmental a hna inpek - Rs. 9,10,64,75,461/-
A vaiin - Rs. 55,47,63,32,591/- Tun Sorkarin 20.02.2026 chhunga sum a puk tawh zat chu Rs. 55,03,31,00,000/- a ni a, kan sum pukte hi Restricted Tender atan kan hmang zel em ni? Rs. 44,32,00,000 in kan sum puk hian restricted tender a kan pek hi a la pha lo a ni. Kan sorkar hi restricted tender hmangin an che nasa hle a ni, a ti.
MNF hunlaia Kamrula te unau ang deuh khan, Kolasib lam nupa an vannei leh pek a, an nupain PWD-ah ngawt pawh Rs.38,61,24,868/- zet Restricted Tender-in an lo hmu a ni, a ti a. Restricted Dept. a pe tam te PWD - Rs 40,47,73,70,293/-, P&E - Rs 1,20,38,58,000/-, Education - Rs. 1,20,30,00,000/-, Tourism - Rs. 1,70,90,42,000/- leh UD & PA - Rs. 8,34,13,04,011/- Restricted Tender-a hnam dang pek, Mizote thawh theih a awm teuh mai a, Sawma pakhat pe ve lo turte hetia duhsak hi a zialo hle a. Hna 16 zinga 8 chu awlsam taka Mizo ten kan thawh theih pangngai a ni, a ti bawk.
TT Zothansanga chuan, jan sorkar chuan NLUP kan sem leh dawn a, Congress ni lo zawngin an sawisel ang. NLUP hi Session a mipui sum kan ngaihthlak ve theih awmchhun a ni. NLUP hmasa pawh July 26, 2014 khan MNF, ZNP, BJP, MPC & MDF ten a huhova min hek thlak tumin Prime Minister Modi hnenah an thehlut tawh a, an hoten an do chhunzawm zel ang. Congress in kan thutiam kan tihlawhtling zel tih an hria a, an hlau hle a ni tih i hria ang u, a ti bawk.
