Serchhip-ah Ruihhlo Nuai 70 chuang man hu halral a ni
July 13, 2026 (Thawhtan) Vawiin khan kum 2025 leh kum 2026 chhunga Serchhip Police ten ruihhlo chi hrang hrang an man, tih ral (dispose) theih tawhte hal ralna hun, Serchhip Police Station kawtah hman a ni a. Serchhip District Drugs Disposal Committee Chairman, Gavit Gogna hovin, he ruihhlo hal ralna hun hi hman niin, ruihhlo cheng 70,70,000/- man hu, Heroin gram 220 leh Crystal Methamphetamine gram 89 te hal ral a ni.
Vawiina ruihhlo hal ral takte hi case hrang hrang 7 atanga mante an ni a. He hunah hian Addl. SP H. Lalduata, SDPO Lalrinzuali leh Asst. Commissioner, Excise & Narcotics Department Serchhip TC Lalropuia te an tel a ni.
