ZORO-in World Indigenous day lo thleng tur chungchang CM an sawipui. (Chhiar zawm duh tan link-a luh aw)
Vawiin July 10, 2026(Zirtawp) khan ZORO General Headquarters chuan Chief Minister Lalduhoma chu a Pisa-ah an hmu a, World Indigenous day lo thleng tur chungchang leh pawl hmalakna hrang hrang an sawipui.
World Indigenous Day (International Day of the World's Indigenous Peoples) hi kumtin August ni 9 hian khawvel pumah hman thin a ni. Kumin World Indigenous Day rawn thleng tur hi ZORO General Headquarters chuan ropui taka hman a tum a, he ni hi hnam tlem zawk (Indigenous people/tualto hnam)-te chanvo humhalh a, an thawnthu leh nunphung vawng nung tura hriat chhuah nan leh chawimawi nan hman thin a ni.
ZORO thuchhuah chuan, World Indigenous Day hi keini Zofa Indigenous People te tan chuan a pawimawh hle a. Khawvel hmun hrang hranga tualto hnamte dinhmun chawikan leh an dikna chanvo humhalh a, anmahni zalenna leh inrelbawlna zahsak nan te, ram leilung hausakna leh ramngaw awm zawng zawng vawng him a, khawvel tana an inpekna leh humhalh tlatna hriatreng nan hman thin a ni. Anmahni hnam pianphung, zai leh lam, chanchin leh tawngte bo mai laka humhalh leh tuaithar te hnena hlan chhawn zel a pawimawhzia pholan nan te, Zofate tan inpumkhatna leh chhul khat kual kan ni tih inhriat tharna atan hman thin a ni, an ti bawk.
ZORO General Headquarters chuan World Indigenous Day (International Day of the World's Indigenous Peoples) ni 9, August 2026-a a hman turah hian Zoram mipui zawng zawngte telpui turin a sawm tak meuh a ni.
