AAP-in ZPM sorkar Board hrang hrang Chairman te ban vek turin an phut.
Vawiin khan AAP Mizoram chuan thuchhuah siamin, sorkar hmasa atang tawh a chin than em em, party mi leh sa duhsakna uchuak hi chhawm nung zel tawh lo tur in kan ZPM sorkar an ngen tih an sawi.
AAP chuan, Board hrang hrang Chairman (ZOHANDCO, MIFCO, MAMCO etc) atana party hruaitute ruat leh hamthatna tam tak pek leh a kaihhnawih avanga nitin, thlatin,kum tin sorkar sum tam tak luangral thin hian ram hmasawnna a thlen ngai lo tih an sawi a. Kum 2 chhung an lokal pui hi duhtawk tawh tur leh a rang thei ang bera heng board Chairman te hi ban vek turin an phut tih an sawi a.
AAP chuan, sorkar employee mithiam dah zawk tur emaw, thalai hna neilo emaw merit list a dah zawk tur in ZPM sorkar an ngen tak meuh meuh tih an sawi bawk.
AAP chaun, Mizoram history a Adviser mamawh hnem ber Chief Minister Lalduhoma pawh kum 2 chhung advise a dawn tawh hi ram leh hnam tan finna khawp a dawng tawh turah kan ngai a, adviser 5 em em neih a tul tawh loh kan beisei an ti bawk .
