Vawiin ni 28(Nilaini) January 2026 hian PWD minister puitu MLA pahnih Pu Ginzalala Adviser to CM (Technical) leh Pu T.Lalhlimpuia Lunglei West bialtu te chuan Aizawl by-pass Western side hnathawh mek Muallungthu atanga Sihhmui chhuak tur chu PWD hotute nen an en ho.
He hna hi PM Devine Scheme hnuaia thawh niin RG Buildwell Engineer U.P. state a mi ten an thawk a, hnathawhna tur hian crore 500 ruahman in kum 3 chhunga zo hman tura tih a ni. Km 48 a sei tur he by pass road hi tunah bul tan chauh niin km 2 laih tawh a ni.
He kawng entu MLA Pu Laltea leh Pu Mahlima te chuan he kawng hi chhim lam khua Muallungthu piah lam zawng zawng Lunglei leh Siaha te thlengin mipui tana tangkai tur, zirlai leh zinmite tan Aizawl khawpui tawt lutuk lut lova Airport leh Rel station te tun aia darkar hnih chuang zet arei lo zawka thlenna tur anih vangin sorkar pawhin a ngaipawimawh em em a, development a tlen dawn chuan eng thil emaw tal in a tuar angai thin a, he kawng laih mek pawh hi tuten emaw environment lam ngaipawimawh lo ang a an sawi ang em chuan an thawk lo a ni tih ahmun ngeia kan chilh hian achiang a ni an ti.
Tuna km 2 leh thawhchinah pawh hian kawra leivung kal tur danna Gabion wall ringawt pawh hmun 6 laiah siam a ni tawh a, PIU, Project Implementation Unit ten an enpui a, tunah hian leivung paihna tur disposal site hmun 26 laiah siam turin thuneitu hrang hrang dil ngai Forest department, AMC, pollution control board ah te thlen mek a ni a.
Pu Mahlima MLA chuan, kan hriat angin Mizoram hi tlangram chhengchhia anih vangin hnathawh bul tanna ah khawl (excavator) pawh inher kual hleithei lo, avung paihtu tur truck lian pawh tlan luh ngawt theuh loh hun te a awm vangin engemaw chen chu kawngthlang lamah a liam lo thei lova, PIU ten uluk taka an vil bawk avangin fur hma in engemaw chen ram leilung tichhe tam lo zawnga hmalak zel ni dawn a, tin sum hi hman zawh ran leh pawisa pek leh zel tur anih vangin tututen emaw contractor te hi chawl tura lo tih ve ngawt chi a ni lo a ni a ti.
He kawng 48 km lai laih turah hian heng lai vela ram neituten Mizoram tana pawimawh leh tangkai tur a ni tih hria in hmundang ang a compensation sang tak tak ngiat lova sorkar nen an indawr theih vangin a vaiin core 20 pawh compensation ah hian sorkar in aseng taking dawn lova ram neituten chungah pawh an lawm hle a ni tih PWD hotuten an sawi.
