Myanmar atanga sawhthing lak luh chungchanga Aizawl District Magistrate Thuchhuah
Vawiin khan Aizawl District Magistrate chuan thuchhuah siamin, sorkar hriatpuina lohvin tunlai hian Myanmar ram atangin sawhthing lak luh a ni thin tih hriat a ni a. Hetianga dan phal lohva ram dang atanga sawhthing lak luh a nih chuan Mizoram economy in a tawrh dawn bakah, an tharchhuahte hralhna kawngah sawhthing chingtuten nasa takin harsatna an tawk dawn a. Chubakah sorkar flagship programme “Bana Kaih” hlawhtlinna tur dal thei tu a ni thei bawk a ni, a ti.
Aizawl District Magistrate chuan, Aizawl District huamchhungah mi tumahin phalna nei lovin sawhthing an la lutin an phur tur a ni lo tih thupek a chhuah a. He khapna thupek zawm lo te chu Section 223, BNS 2023 hmangin an chungah hremna lek a ni dawn a. He thupek hian chhuah a nih atangin thla hnih chhung a huam dawn a. He thupek hi vawiin March ni 9, 2026 hian District Magistrate Seal-a nemnghetin hming ka ziah hnan a ni.
