. Aizawl, 26th January, 2026: India ram ni pawimawh Republic Day leh Independence Day-ah sorkar thuneitute'n press mite pawimawhna hriain, duhsak takin kum tam tak chhung chu press mite tan \hutna bik 'Press Enclosure/Gallery' min siamsak \hin a, kan lawm em em a ni.
Hetih lai hian, kumin 2026-ah erawh chuan Lammual, Aizawla Republic Day lawmnaah 'Press Enclosure/Gallery' siam a ni lo tih Aizawl DC Office-a officer-te hnen a\angin hriat a ni a, a hmunah finfiah a ni bawk. Republic Day ngai pawimawha press mi kalte'n \hutna remchang \ha kan nei ta lo a ni. Republic Day lawm dan tur rêlnaah MJA aiawh kan tel a, kan duh dan leh kum hmasa lama harsatna kan lo tawhte chiang taka sawi chhuah a ni chunga Press Enclosure/Gallery siam a ni lo hi a pawi kan ti hle.
Hetiang hi thil awm dan a nih avangin Republic Day lawmnaa tel tuma Lammuala kal press mite chu an haw leh ta a. Hetianga kal a ngai ta hi a pawi kan ti tak zet a ni.
Kumin 2026-a Republic Day lawmna leh Governor's At Home-a tel tura sawmna inpek danah pawh thil fel lo, thil nih dan phung ni lo a awm nual bawk a; hei pawh hi a zialo kan ti hle.
Heng harsatna hrang hrangte hi tun hnuah chuan thleng tawh lo se MJA chuan kan duh tak zet a; national day - Republic Day leh Independence lawmna rêng rêngah Press Enclosure/Gallery siam zel turin sorkara mawhphurtute kan ngen a ni.
.
