All NGO Zobawk in naktuk April ni 16(Ningani) zing dar 6 atangin Total Bandh nei dawn.
Lunglei Town chhung a awm Zobawk khua atanga thudawn danin, Zobawk All NGO Co-Ordination Committee chuan, National Highway kawng laih chung chang-a an hmalakna leh an ngenna in awmzia a neih loh avangte, an duh anga hna an thawh loh avangte in, tiam chin awm lovin Total Bandh hi neih an tum tih an sawi a. Total Bandh hian Siaha, Lawngtlai leh Lunglei lam atanga Hnahthial paltlang-a, Aizawl lam pan tur te a nghawngbuai dawn a, chuting bawk in Hnahtial lam atanga Lunglei lam kal tur pawh a nghawng buai dawn bawk a ni.
Zobawk All NGO Co-Ordination Committee chuan, Total Bandh an neih chhung hian, Zobawk khawchhunga zirna in zawng zawng leh sorkar office awm te khar vek tur in an gen a. Ram lam-a hnathawk tur leh lui kal tur te leh mahni in leh lo va hnathawk tur zawng zawng pawh chawl vek tur in an ngen bawk a. Dawr nei pawhin dawr hawng lo tur leh tul leh pawimawh tak anih loh chuan khawchhungah lirthei pawh veivak lo turin an in ngen a ni.
Chhim leh Hmar lamah duty na hmun siam a ni dawn a. Duty post paltlang thei tur te chu :-
1) Police leh Force lam, security leh fire dept leh magistrate te
2) Exam nei laklawh te
3) Dam loh na thil a vanga hmun dang pan ngai leh thihna avang a kal tur te.
4)Tui sem leh Bawnghnute sem te
5) Media lam thawk te
5) Post office a thawk leh online delivery te.
6) Medical duty te..
