AMC-a Advertisement chhuah lova hnalak mêk a rang thei ang bera tihtawp rawh se. ZPM Thalai
Vawiin ni 5.4.2026 khan ZPM Thalai chuan thuchhuah siamin, Aizawl Municipal Corporation (AMC), MNF Sorkarna hnuaia Advertisement chhuah lova a rûka duhsak bik te tana hnalak kalpui mêkna hi a rang thei ang bera tihtawp ni rawh se an ti.
ZPM Thalai chuan, 9th Mizoram Legislative Assembly, 4th March 2026 a UD&PA Minister Pu K Sapdanga'n zawhna a chhana ah Aizawl Municipal Corporation term kal mêkah Advertisement chhuah lova hnalak 5 a awm tih sawiin, Consultant Geologist (pathum), Veterinery Officer (pakhat) leh Project Assistant, AMRUT (pakhat) an nih thu tarlan a ni, an ti.
ZPM Thalai chuan, hetiang a nih mêk lai hian, tun AMC Term tawp dawn a, AMC Executive Committee Meeting chuan Advertisement chhuah lovin Casual Workers 8 (pariat) lai lak a tum leh a heng lak antum zingah hian Corporator fate pawh an tel a ni tih ZPM Thalai General Headquarters chuan kan hria a, Hetianga duhsakna uchuak tak hmanga hnalak kalpui mêk hi MNF leh MPCC Corporator-te inthuruala hmalakna a ni tih kan hre bawk a ni, an ti.
Hetianga a ruka hnalakna tenawm tak MNF sawrkarna AMC hnuaia a awm hi ZPM Ṭhalai chuan a pawi kan ti takzet a. Ṭhalaite'n hna lak chungchangah kan dikna chanvo kan hmuh ngei theihna tura ZPM - Mipui Sawrkarin theih tawp chhuaha, dik leh felfai taka hnalak tuma ke a pen mêk laia, MNF sawrkarna AMC a diklo leh fello taka hna lak tumna awm hian, MNF hi AMC ah sawrkarna siam zui tlak an nihloh zia a tarlang chiang hle an ti a. MPCC Corporators- te nena an inthurual leh zel hi ZPM ṭhalai chuan pawi kan ti a, duhsak zawngte tana a ruka hnalak tumna awm hi ZPM Ṭhalai chuan kan dodal tlat dawn a ni, an ti bawk.
