AMC-a sorkar turin MNF an rin tlak tawh loh. Lalrinpuii & Chhanzova
Inrinni khan ZPM Thalai General Headquarters kaihhruaina in Aizawl Veng hrang hrangah Street Campaign neih a ni.
Kulikawn-ah Health Minister Lalrinpuii chuan thu sawiin, AMC-a sorkar turin MNF an rin tlak tawh loh niin a sawi a. SIPMIU atanga Garbage truck 45 an dawn la tha em em mai kum 1 hnu lekah man tlawm taka tiral tute kha, AMC kaihhruai tur hian kan duh tawh lo a ni kan tih a ngai a. Garbage truck thalai reng tlawm lutuka an tih ral avanga sorkarin nuai 316 kan hlauh ringawt te kha mipui zah lohna entirna a ni a. CAG Report 2025-ah phei chuan a mawhphurtu chungah Responsibility fix ti turin an ti nghe nghe a ni, a ti bawk.
Supply Minister B.Lalchhanzova pawhin thu sawiin, MNF leh Congress hian ZPM kalphungthar hi an thatpui ber a. ZPM lo awm tak avangin englai pawha insual thin MNF leh Congress hian an zia an thlak ta a, tangho ti tih, inhaw tho si in, an in bakkaih vak vak thin ang kha sawt tawhlo in an hre ta ni ngei tur a ni, sual in puan sak tawn siaka hman hlel thin te kha sual an in thup pui tawn ta a, ZPM beih chu an inlungrual theihna a lo ni ta, a ti.
MNF leh Congress te hian auhla tur an nei tawhlo a, an thil sawi a piang mipui ten awi loh tur chanin an chang tawh a, vai politics chhe chi Lim hal tih velah an inthurual em em mai a. ZPM chuan Langtlang AMC, thup leh zakkep neilo din kan tum a, duhsak zawngte contract pek nan chauha AMC hman thin hi khawpui siamthat nan hman ngei kan tum, a ti bawk..
