AMC Election-a hnai a CM leh ZPM thudiklo hmangin min bei nasa. ZPM THalai
Vawiin Ni 19.2.2026 khan ZPM Thalai chuan thuchhuah siamin, tun hnaia Chief Minister Lalduhoma’n Chawlhhmun venga a in sak mek chungchang-a UNNATI Scheme behchhana hma an lak thu a sawi chu, Opposition mi leh sa ten an bei let nasa hle niin an sawi a. MPYCC Press Release (18th February 2026)-ah Chief Minister Lalduhoma te hi UNATTI ah an tel ve loh thu an tlangzarh hial a ni, an ti.
ZPM Thalai chuan vawiin-a Mizoram Tourism Department in Press Note a tihchhuaha a lan danin, Tourism Department-in UNATTI Scheme an kalpui dan leh dilna lut zinga Consent an pek tawhte tlangzarh a ni a. He Scheme hnuaia hma la tura phalna pek “Consent to Establish” tawh zat chu mi 44 lai niin, tunhniaia opposition party leh mi thenkhatten Mizoramah UNATTI Scheme diltu mi 16 chiah an awm anga an sawi chu thudik lo a ni tih Tourism Department Press Note atangin a lang chiang hle a ni, an ti.
ZPM Thalai chuan, Tourism Department kaltlanga UNNATI Scheme, List of Aplicants Granted Consent to Establish 44 nos. zinga Serial No. 7, ZARA Villa, Eureka Estate, Chawlhhmun Aizawl, 12th December 2024 a consent pek tawh hi 16th February 2026 (Monday) a ZONET in kan Chief Minister Lalduhoma an kawm tuma kan CM in a sawi kha niin, kan Chief Minister hian Mizoram mipui hmaah thudik tak a sawi a ni tih a chiang hle a ni, an ti bawk.
ZPM Thalai chuan, A bikin tunhnaiah, AMC Election-te a hnaih tak avangin kan Chief Minister ZPM Party hi thudiklo hmangin tih hmingchhiat min tumna nasa hle a ani, an ti a. Hetiang inpuh chhiatna a lo thlen hian Mizoram mipuiten thudik zawk tarlan a nih hma chuan thlutlukna lo siam lo turin kan inngen a, Mizoram Politics a thudik tungding leh turin ZPM Party chu a dinna ngaiah a la ding reng a ni tih Mizoram mipuite hmaah ZPM Thalai General Headquarter’s chuan kan chah duh ani, an ti bawk.
