AMC hi party dang kaihhruai chi a ni lo, Congress kaihhruai chi a ni. CT Zakhuma Ex- Chairman AMC
Vawiin March 16, 2026 Thawhtan khan Mizoram Pradesh Congress Committee chuan Political Session an nei a, he hunah hian CT Zakhuma, Aizawl Municipal Corporation a Chairman hmasa ber chuan thu sawi in, "AMC hi party dang kaihhruai chi a ni lo, Congress kaihhruai chi a ni" a ti.
Kumin February ni 28 khan AMC term pawh a lo tawp ta a. Indian Constitution Article 243U ang chuan AMC term hi thutkhawm hmasak ber (First Meeting) an neih atanga kum 5 a ni tur a ni a. A tlangpui thu chuan term tawp hmain inthlan ngei ngei tur a ni. Thiah (dissolve) anih pawhin thla 6 chhunga inthlan buatsaih tur a ni. Tunah hian dan kan bawhchhe thui ta hle mai. Tunah hian AMC enkawl tutur Administrator emaw Board of Administrator emaw an ruat tur a ni a, chu tiang ruat thawm pawh chu kan hre lo a ni.
AMC sawrkar term hmasa berah khan kan awm ve a, kan tih theih ber chu inkaihhruaina dan (regulation) siam kha ni a. Kan phak ang tawkin inkaihhruaina dan kan siam a, tunah a term 3 na thleng hian kha kan dan siam te kha rin a la niin a thar siam ala awm lo niin ka hria.
Trade Licensing chungchangah sumdawngten sawiselna deuh han nei mahse, he thil hi miin a duh na hmun hmun a, a duh ang ang bungrua a zawrh kha a rem lova, entirnan hmun lun laiah meihawl zuar tlatse vantlang tan a hnawk dawn a. Chutiang a duh na hmun hmuna thil zuarte control na tur dan chu a ni.
Building regulation hi tih chak a ngai a, Congress sawrkar kha Building regulation ah chuan kan tha lawrlak in ka hria. Dan bawhchhiate building thiahsak kan nei nual a ni.
AMC term thumna kan hmang zo chiah a, term 2 na leh term 3 na MNF in an chelh ve thung a. Anni hunah hian hmingchhiatna an nei ta nual mai. Bawlhhlawh paih motor hralh chungchangah an hming chhia a, AMC Plaza sak chungchangah an hming chhe bawk a. Tunah AMC Sport Complex (brigade Field) chungchang ah pawh party pakhat Thalaiin an an enfiah a thil diklo a awm ngei niin an tarlang. AMC hi party dang kaihhruai chi a ni lo, Congress kaihhruai chi a ni, a ti.
