Assam Inthlan dawn vanga zinmite fimkhur tura ngenna
Kolasib, the 7th April, 2026: Kan hriat theuh angin, ni 9 April, 2026 hian kan state thenawm Assam-ah State Assembly Inthlan neih tur a ni a. He inthlan denchhen hian boruak tha lo leh harsatna thleng palh thei pumpelh nan, Assam-a zin tur mipuite chu fimkhur turin ngen leh hriattir an ni.
Kolasib District Bawrhsap , Pu H Dolianbuaia chuan zinmite pawhin buaina an tawh lohna turin ruitheihthil lam chi reng reng te, silai leh puak thei thil te chu ken loh tur tih leh tangkafai pawh Rs. 50,000/- ai a tam keng lo turin mipuite ngen in hriattirna a ti chhuak.
