Nimin khan Union Minister of State George Kurian, Fisheries, Animal Husbandry and Dairying, and Minority Affairs changtu chuan, Dampa bial By-Election lo awm tur atana Campaign beihpui thlak turin, zankhat riakin Mizoram a lo kal a, Darlung Khua-ah Public Meeting neiin thu a sawi.
Union Minister chuan, Kum 1980 ah BJP din a nih lai aṭang khan BJP ka lo zawm ve tawh a, Kerala State a awm ka ni a, Kristian dik tak leh ṭha tak ka ni bawk a ni. Vawiin ah hian Mizoram a Kristian ten BJP hlauh kan inzirtir thin hi amak hle mai a, vawiin thleng hian BJP ka ni a, Kristian ka ni bawk a, inremlohna leh harsatna engmah ka la tawk ngailo a ni. Chuvangin BJP hlau tura inzirtirna hi Politics-a inbeihna mai mai a ni, a ti.
Union Minister chuan, vawiin-ah hian Kerela atanga Dampa biala ka lo Campaign nachhan chu, Dampa bial hian Development in hmuh ve theihna tur atana lo kal ka ni, a ti a. BJP in kan thupui ber chu Development a nih avangin, Mizoram hmangaih êm êm tu PM Modi chuan, tun hnaiah pawh ₹8000 crore sengin Mizoram khawpui tlawh pawh thei turin Railway thar Mizoram min pe a. Hei hian Mizoram tan inkalpawhna a ti awlsam a, Delhi, Kolkata leh Guwahati te tunah chuan hun rei lo te chhungin man tlawm takin kan tlawh pawh thei ta a. Darlung kan rawn thlen nan hian kawgpui zim tak leh chhe tak kan rawn paltlang a, State Sorkarin a ngaihthah zia che u ka hmu a, a lungchhiat thlak hle a ni. Dampa bial hian kawngpui ṭha tak in mamawh a, Kuthnathawktute tan Link Road te kan mamawh tih ka hre bawk a heng bakah pawh Mipui mamawh dang tamtak a awm tih ka hria, Dampa bial mamawh te hi Lalhmingthanga BJP Official Candidate in thlan tlin chuan kan pe ang che u, a ti bawk.
