BJP Mizoram in AMC-a ZPM sorkar tur lawmpuina an hlan. BJP Candidate Vote-tu zawng zawngte chungah lawmthu an sawi.
BJP Mizoram chuan thuchhuah siamin, Aizawl Municipal Corporation Result puan tak ah ZPM-in Sorkarna an siam thei chu kan lawmpui hle a, sorkar ṭha tak siam ngei turin duhsakna kan hlan a ni, an ti.
BJP Mizoram chuan Mizo mipuite inthlan kan hmachhawn dan a changkang tawh hle a, Party Politics ruihchilhna kan bansan zel hi a lawmawm kan ti hle a. AMC-a Manifesto ṭha tak leh hmasawnna thlen thei tur ZPM Sorkar thar kan nei tur hi mipui hmaa an intiam ang ngeia an Manifesto te tihlawhtling ngei tur leh, Aizawl khawpui ṭha zâwk kan neih ngei kan beisei a ni, an ti bawk.
Mizoram hmalam hun hi vawiin-a, Politician-te kut hian ah thui tak a awm tih hria a, Mipuite thu dik tak hrilh hi kan bat ah ngai in, Dawt Politics lang leh mai tur te hi kan bansan a hun tawh hle a, rilru dik pu a, Politics tum bulpui ber Mipui, mi rethei thleng phak hmasawnna leh awlsamna siam hi BJP thupui pakhat a nih angin, Political Party tinte pawhin min thlangtute avanga Sorkarna siam thei kan ni tih hria a, mipui rawngbawltu kan ni tih hre chunga ram rawngbawl hna thawk turin kan ngen a ni, an ti.
Aizawl khawpui chhunga BJP chirthehna a la nasat êm êm laia BJP-in candidate kan neihna ward-a vote min petute chungah lawmthu kan sawi a, kan candidate-te ring ngam a, development beiseia BJP Vote-tu zawng zawngte chungah lawmthu kan sawi bawk a ni, an ti bawk.
