Mizoram mipui ten Politics tak tak, Development keng tel Politics kan ngaihtuah a hun. BJP State Vice President
BJP Mizoram chuan vawiin, 11th May, 2026 khan Karthar Inhlanna leh Political Session BJP Mizoram State Office-ah neiin, State Vice Presideng Pu Vanupa Zathang, IPS (Retd) in thu a sawi.
Pu Vanupa chuan, "Women's Reservation Bill hman theiha tih tlang a ni ta lo kha, India rama hmeichhe tam takin pawi an ti hle niin a lang a, tuna West Bengal inthlan neih zawh takah pawh hmeichhiate'n vote an thlak ṭha hle a, hmeichhia 93.8% te'n vote thlakin chung zinga 48% - 52% hmeichhiate chuan BJP an vote a, hei hian inthlak danglam an duh tawh zia a tilang chiang hle a ti.
Pu Vanupa chuan sawi chhunzawmin, "Mizoram ah pawh mi ṭhenkhat fin hmel pui pui, thil tak tak hrechiang lo te'n BJP sawichhiatna atan West Bengal inthlan te kha an hmang a, Election-a chak loh hian puhmawh tur kan zawng mai mai ṭhin a ni. Tunah hian BJP chu a len belh mêk zel a, MLA seat tam zualna State pali; Uttar Pradesh, Maharashtra, Bihar leh West Bengal-ah te BJP-in sawrkarna a siam vek tawh a. Kristian tamna state Nagaland-ah BJP kaihhruai NDA a sorkar a, Goa-ah BJP a sorkar bawk a, Meghalaya-ah NDA a sorkar bawk a, tin Kerala -ah pawh a vawi khat nan BJP-in MLA seat thum (3) a la ve ta bawk a, vote share pawh kan nei ṭha hle a ni. Chuvangin Mizo mipuite hian Politics tak tak, Development keng tel Politics kan ngaihtuah a hun ta hle mai, Dâwt hmanga mipui min bum fotute hi kan hmelma te an ni zâwk tih hi kan hriat a pawimawh ta a ni," a ti bawk.
