BJP Thalai in khauh zawk a zan lam duty kalpui turin sorkar an ngen.
Vawiin 27.5.2026 khan BJP Mizoram Thalai chuan thuchhuah siamin, khauh zawk a zan lam duty kalpui turin sorkar an ngen.
BJP Mizoram Thalai Headquarters chuan Aizawl khawpui chhung a zanlam a buaina chhuak thin leh lirthei khalh tute fimkhur loh vanga chhiatna thleng thin chuan, Aizawl khawpui nun ralmuanna a ti chhe hle in kan hria a, chumi tih rehna tur a tana a rang thei ang ber a ruahmanna siam tur leh zan lam duty khauh zawk a kalpui turin, Mizoram Sorkar an ngen tih an sawi.
BJP Mizoram thalai chuan, Mizoram ah Rel a lo luh tak a vangin, khual zin mi tamtak an rawn lut a, a tha zawng a fakna Social Media hrang hrang ah kan hmuh mek lai a, zan rei a tharum thawhna thleng leh thin leh lirthei tlanchak lutuk leh lir thei ri bengchheng tak taka khalh thin te hian nun phung pangngai a ti buaiin ralmuanna a ti chhe hle a ni, an ti a. Chuvangin kan khawpui ralmuang tak a kan lenna a lo him nan leh Nunna hlu tak chan theih na laka kan him theih nan, Mizoram Sorkar chu a rang thei ang ber a ruahmanna siam turin kan ngen a, dan bawh chhia te leh kut in thlak rawn ching thalai te dan anga na taka hremna pek zel kan phut a ni, an ti bawk.
