Block anga project an siam kala hre ngai lo
John Rotluangliana
Nimin khan MPCC Sr. Vice President Lalnunmawia Chuaungo hovin, Dampa bial by-election MPCC Officila Candidate John Rotluangliana leh MPCC Gen. Hqrs, hruaitu ten, Dampa Central Block Congress hotute an kawm.
MPCC Sr. Vice President chuan, Dampa biala kan hotuten duh ang tak ngei candidate an rawn pe che u a, mawhphurhna in nei a ni tiin, headquarters lam pawhin theihtawp kan rawn chhuah dawn a ti a. ZPM khan thil tha tinreng an tiam a, an campaign thiam khawp a. An thli pawh a tleh nasa a, hneh takin thlan tlin an ni a, kum khat leh a chanve an sorkar hnu hian mite beisei an pha lo hle a. Tunah hian Mizoram mipuite hian kan lam an lo hawi tan tawh a. Dampa by-election lo awm turah hian ZPM thli a tleh tawh lo a, an huphurhawm tawh lo a ni tih kan rawn thleng a, kan hmu a ni, a ti a. Inthlan hma kha chuan taxi a han chuan te hian taxi driver ten ZPM an tan em em a, tunah chuan tang rawh u, in sorkar leh a ngai a ni an ti tawh a, ZPM hinan ning em em tawh a ni. a ti bawk.
Ex-Minister leh MPCC Adviser Zodintluanga pawh in thu sawiin, ZPM sorkar ah hian thil thleng mak tak a awm a. Assembly a committee sang ber General Purpose Committee, Speaker Chair na hnuaiah committee a awm a. Chutah chuan Chief Minister te, Oposition Leader leh ZPM MLA pali panga telna in an thurel chu, Cabinet in a hnawl a ni, a ti a. He Committee hi Mini Assembly an ti a, an thurel an hnawl ngai lo a. Mahse, Cabinet in an hnawl a, hei hi thil zahthlak tak a tling a, Chief Minister rintawklohna no-confidence motion pulut ang an ni, a ti. Zodintluanga chuan, ZPM hi an bilh a la tho lova, insiamthat an mamawh em em a. He laia ZPM member te pawh in insiamtha tur leh la sorkar zel tura in duh a nih chuan, congress candidate John Rotluanga min lo vote pui ula, John Rotluangliana hi in thlantlin chuan in hlawkpui dawn a, he sorkar hi in khalh ngil dawn a ni. a ti bawk.
Congress official candidate John Rotluangliana pawhin thu sawiin, by-election hi rulling chan a ni thin a, kum hnih ah chuan rulling vung lai tak a ni thin a. Tunah chuan ZPM chhiat lai berin kan inthlang dawn a, a phurawm khawp hle a ni, a ti a. Hmani khan ZPM Candidate khan block angin project te kan siam anga a ti a, MLA leh Minister te ka lo ni ve tawh thin a, chutianga project an siam chu ka hre ngai lo a. Amah in thlantlin chuan eng mah nihna nih tur a nei tawh lo a, MLA MR bak a ni thei tawh lova, pu te tukhum en bak tih theih a nei dawn lo, a ti.
Dampa Central Block Congress hotute leh MPCC hruaitute inkawmhona hi West Phaileng Kanan Veng Community Hall-ah neih a ni a, hman a ni a. Dampa Central Block Congress Committee Vice President Ngunrthansanga Sailo in a kaihruai a ni.
