CADC CEM atan lakluh Nirupam Chakma chuan House-ah fiahna a paltlang
Chakma Autonomous District Council Chief Executive Member atana lakluh, BJP hruaitu Nirupam Chakma chuan House-ah fiahna a paltlang.
Vawiin July ni 9,2026(Ningani) khan CADC Special Session chu Dy. Chairman Sundor Muni Chakma kaihruaiin Elected member 19 an tel a, Member 20 awmna CADC-ah hian Session a tel, Session kaihruaitu tel lovin member 18 ten CEM Nirupam Chakma an thlawp a. Session-ah hian MNF MDC Rasik Mohan Chakma chu a tel lo a ni.
11th CADC hi kum 2025 July ni khan thlaruk chhung atan Governor thuneih naah dah niin, kumin January ni 12 khan sorkar a la pian theih loh avangin Governor rule-ah dah chhunzawm a ni. CADC, MDC 20-ah BJP 10, ZPM 9 leh MNF 1 an awm mek a, BJP leh ZPM chuan Chakma Democratic Alliance Legislature Party dinin sorkarna an kalpui a, CEM thar hian a pisa luah lut nghal a ni.
