Champhai-ah Mizoram Presbyterian Kohhran Hmeichhe Khawmpui Lian Rorel nei mek.
Champhai Vengthlang Presbyterian Kohhran Biak In-a nghah, Mizoram Presbyterian Kohhran Hmeichhe Inkhawmpui Lian Rorel Inkhawm vawi 13-na chu zanin hian a tiak dawn a. Nimin Inrinni khan khawmpui palai mi 1,049 ten nilengin ro an rel a, kum 2028-a rorel inkhawm vawi 14-na chu, March ni 10 atanga ni 12 chhungin Sihphir-ah nghah a ni ang.
Kumin rorel inkhawmpui atana thupui chu 'Sim rawh u, vanram chu a hnai tawh e (Matthaia 4:17)' tih a ni a, Inrinni zan inkhawmah Synod Moderator, Rev. John Raldosanga'n Pathian thuchah a sawi a, vawiin atangin Inkhawmpui thupui tlawhchhanin thupui sawi tura ruat Rev. Remlalfaka, Secretary, BSI Aizawl Auxiliary in inkhawm apiangin thu a sawi thin tawh dawn a ni.
Tun dinhmunah Mizoram Presbyterian Kohhran Hmeichhe inchhiarna atanga a lan danin, Pastor bial leh kohhran mala zawmtu 223 awm mekin, Kohhran Hmeichhe member 280,921 an awm a. Pastor bial zingah Champhai Vengthlang Pastor bial chu member tam na be niin member 3122 an awm a. Buarpui bial chu bial te ber niin member 36 an awm thung a ni.
