Chief Minister-in Handholding scheme hmang tangkai turin thalaite a sawm.
Vawiin Ni 7.3.2026 ( Inrinni)-a Mizoram University (MZU) Convocation vawi 20-na, Multipurpose Hall, MZU Campus, Tanhril-a neih hmanpuitu Khualzahawm Chief Minister Pu Lalduhoma te chu, Mizoram sorkar flagship scheme Handholding chu thalai, mahni kea ding tura theihna leh thiamna neite tana buatsaih a nih thu sawiin, scheme hmang tangkai turin thalaite a sawm
Chief Minister Pu Lalduhoma chuan zirlai hlawhtling thar zawng zawngte a lawmpui thu sawiin, convocation hmanpui tura lokal Vice President Pu C.P. Radhakrishnan chungah lawmthu a sawi bawk a. Zirna tihhmasawn kawnga Mizoram sawrkar hmalaknate tarlangin, Mizoram Engineering College chu kumin atangin class tan tum a nih thu leh Mizoram State University kalpui tura hmalak zel a nih thu a sawi a. Mizoram sorkar flagship scheme Handholding chu thalai, mahni kea ding tura theihna leh thiamna neite tana buatsaih a nih thu sawiin, scheme hmang tangkai turin thalaite a sawm a. University naupangte ni chunga Mizoram University-in NIFR 2025 ranking-ah India rama University tha 82-na a hauh pha chu chhuanawm tiin, hetiang dinhmun thleng thei tura thawktu zawng zawngte chungah lawmthu a sawi a, an kalzelna turah duhsakna a hlan a ni.
