Vawiin khan Chief Minister Lalduhoma chuan North Khawbung Centenary Committee (NCCC) buatsaih North Khawbung Centenary (kum 100 tlin lawmna) chu a hmanpui a. Champhai North bialtu MLA leh Adviser to Chief Minister (Technical) ni bawk Er. H. Ginzalala pawh in a hmanpui bawk.
Chief Minister chuan thu sawiin N. Khawbung Lal ni thin Thanghlianga Sailo chu fakin he khaw ropui tak a din theih chhan pawh a fin leh remhriat em vang a ni tih a sawi. Mizo pi leh pute sulhnu tha tak tak a awm a, Art & Culture department-in a humhalh mek Lalruanga lung te a awm a, tha taka humhalh turin a fuih. Kum 200 an tlin hun pawha hlim taka an lawm theih nan kawtthler te, in sak dan te, tuichhe paih dan te leh khua enkawl dan te khuarei daih (sustainability) nen mil zawnga kal zel turin a fuih a, a tha zawnga miin an sawi an nih zel theih nan duhsakna a hlan a ni.
