City Bus Pollution endik a nih dan mipui zah lohna a ni thei em? ACBOA
Aizawl City Bus Owner Association (ACBOA) chuan vawiin 24.2.2026 (Thawhlehni)-a Traffic Police leh Transport Department tangdunin City Bus bik surprise polution check an kalpui dan chu mipui zah lohna a ni thei em tih an zawt.
ACBOA chuan, City Bus khu endik tur hian bus-a chuang mipuite nen Chaltlanga Transport Office-ah tirh luh zel an nih thu an sawi a. An test chhung zawng an passenger phurh ten an nghak ringawt mai chu a tha lo hle a ni, an ti. ACBOA chuan, passenger beidawng thenkhat chu Bus atangin an chhuak a, passenger zingah Dialysis ti zo, Bus din rei avanga chhuk, Durtlang a haw tur te, thenkhat chu mitthi vuina a tel tum, Bus din rei avanga chhuk a, kawng a taxi chang te an awm tih an sawi a. Public service an nihnaah bus an check duh bik te chu, Zemabawk City Bus Terminal-ah pollution test na khawl mobile van a awm tho a, passenger/mipuiin ten an tawrh loh theih dan ang ber turin test/check zawk sela, Zemabawk Terminal-ah endikna hmun chu sawn se an duh tih ACBOA chuan an sawi bawk.
