CM in Combined Foundation Course kal mek te kawm
Nimin khan Chief Minister Lalduhoma chuan Mizoram Civil Services Combined Competitive Exam-a tling, Administrative Training Institute-a Combined Foundation Course kal mek, MCS, MFAS leh MIS officers te CM Conference Hall-ah a kawm.
Chief Minister chuan, Officer ten an hnuaia thawk staff hniam zawkte hamthatna ngaihsak se a duh thu te lo hrilhin, staff hniam lama indaih lohna nasa lutuk tihziaawm tul an tih thute pawh a lo hrilh a. Sorkar hnathawk chuan, mipuiten ram rorelna an pekte apiang hi tha tak leh rinawm takin thlawp ila, hmasawnna hnathawh a chakin a kal tluang thin a. Chutihrualin, tuten emaw ruling mi leh sa an nihna changchawia thil dik lo tihtir che u an tum a nih chuan lo hlau suh u. Kan hum ang che u, tiin a chah.
