CM leh Revenue Minister hmalak dan hi a ram hmangaih lo thlak. John Siamkunga Ex-MLA.
Vawiin March 6, 2026 Zirtawp khan Mizoram Pradesh Congress Committee chuan Political Session an nei a, he hunah hian Pu John Siamkunga, Ex-MLA leh Adviser MPCC chuan thu sawiin, "Lengpui Airport bul ram lei leh hralh chungchangah Aizawl DC hnena Collector thuneihna pawh pek a nih hma hauha dan lova engkima hma a lo la fai vek leh, dan diklo a ni tih hre reng chunga CM leh Revenue Minister-in an kal tlang luih pui hi chu a ram hmangaih loh thlak takzet a ni" a ti.
John Siamkunga chuan “He Land Acquisition Case hi dan pangngai anga acquisition process anga State sorkarin a kalpui anga kalpui a ni lova. IAF ina ram an mamawhna an sawi mila NOC pek hnuah hian State Sokar Revenue ina acquisition process a kalpui ni lovin leh DC hi Collector thuneitu tur a nih pawh Designate a nih hauh hmain DC Aizawl in engkim mai hi Survey leh Draft Estimate-te siamin a kalpui a. Assesment tak tak pawh kalpui lovin Landowner-te nen a ram lei tur hi in Negotiate-in, chumi ang mil chuan Compensation tur hi DC Aizawl leh IAF Officer-ten Landowner-te nen an chhut chhuaka, a Rate atan Rs. 185 per Sq ft. angina an ruahman a. An remtih tlanna pawh Document a awm bawk a. Hemi ang mila sum mamawh hi Ministry of Defense pawhin Sanctioned-in DC Aizawl-in a ram lakna tura ruahmanna an kalpui vek tawh hnuah Land Acquisition Act anga kalpui a ngaih leh tak si avangin Revenue Department-ah Preliminary Notification chhuah turin min rawn nawr leh ta a. Chumi ang chuan hmanhmawh takin ni 15.05.2025-ah a chhuah ta a. Hemi hnuah hian Final Notification chhuah leh te pawh a la ngai dawn a. Hemi ang hian Proposal an rawn Submit leh ta a ni, a ti.
He Land Acquisition thil kalpui dan hi dan anga a bulthuma thil tih chi a ni lova, dan hmanga kalpui a tul avanga Revenue Department-a lo kal leh ta ang deuh a ni ber a. Land Value Assesment ni lo pawh Preliminary Notification chhuah hnua tih chauh thin tur a nih laiin hemi hma hian Land Value-te leh a Rate-te hi Aizawl DC-in a lo chhut felin Draft Estimate milin sum pawh an lo dawng vek tawh a ni. Chuvangin, a chunga rawtna anga Final Notification hi chhuah hnuah pawh award chhut dan hi DC Aizawl leh IAF Officer tena an ruahman pui sa anga pawmpui leh tho a tul hmel a ni. Hetiang ang hi thil awm dan a nih avangin a chunga rawtna anga a theih anga dan anga kalpui mai hi a tul hmel a ni ber mai e. Submitted for Decision of Higher Authorities, tiin Revenue Secretary chuan Note Sheet ah ziakin chu chu Revenue Minister Pu Lalchhanzova hnenah a thawn a ni, a ti.
"Pu Lalchhanzova, Minister i/c Revenue Department-in thutlukna a siam dan pawh “Revenue Department hianin hemi chungchanga a kaihhnawih zawng zawng hi fimkhur tak leh a him thei ang ber turin min lo kalpuia, tuna rawtna lo awm ang hi lo pawmpui mai ni tawh se” tiin thutlukna a siam a ni, a ti. (A kimchang naktuk chanchinbu-ah)
