CM leh ZPM sorkarin thudiklo sawiin dan an bawhchhe nasa. MNF Legal Board Vice Chairman
Vawiin ni 23.02.2026 Thawhtanni khan Mizo Hnam Run chhung inkhawm leh political session neih a ni a. MNF Legal Board Vice Chairman Lalpianfela Chawngthu chuan thu sawiin, "Lengpui ram Indian Air Force (IAF) hnena hralh chungchangah Chief Minister leh ZPM sorkar chuan thudiklo tamtak sawiin dan an pawisalo hle, a ti a. ZPM sorkar chuan ram danpui leh Mizoram Legislative Assembly-in a adopt, Right to Fair Compensation and Transparency in Land Acquisition, Rehabilitation and Resettlement Act, 2013 (RFCTLARR Act, 2013) chu nasa takin a bawhchhia a. He ram lakna kalpui danah hian eirukna lian tham a awm ngei a ni tih chiang takin a lang a. MNF chuan he thil thleng hi pawi kan ti hle a ni," a ti.
Lalpianfela Chawngthu chuan, ZPM sorkar hian SIA Exemption diklo takin an kal pui thu sawiin, RFCTLARR Act, 2013 hnuaiah Social Impact Assessment (SIA) awltir tur chuan India Parliament pawmpuina a ngai a, chu chu Appropriate Government (Central Govt) thuneihna a ni. Mahse, ZPM Sorkar chuan Mizoram Revenue Minister approval chauh hmangin dan kalhin exemption a pe a. Hearing of Objection (Section 15) bawhchhiat na a ni, a ti a. RFCLRR Act, 2013 section 15 hnuaiah hian ram lak/hralh a nih dawnin Collector chuan Rule 6 of ‘The Right to Fair Compensation and Transparency in Land Acquisition, Rehabilitation and Resettlement (Compensation, Rehabilitation and Resettlement and Development Plan) Rules, 2015’ in a sawi angin Hriattirna/Notice Form III hmangin a tichhuak tur a ni, a ti a. He land acquisition chungchanga remtihlohna/dodalna neite chuan Preliminary Notification tihchhuah atanga ni 60 chhungin ziakin an remtihlohna hi an thehlut tur a ni, a ti a. Dodal an awm chuan Collector hian ngun takin a ngaithlain hearing te pawh a nei tur a nih laiin hei hi tih a ni lo a. A copy hmuh tur pawh a la awm lo. Hei vang hian Lengpui mipuite tan pawh hriat ngaihna a awm lo a. Preliminary Notification-ah khan section 15 hi sawilan niin ni 60 chhungin tih turah ni 15 chhungin tih a ni a, hei hi a dik lo hulhual bawk a ni, a ti.
MNF Legal Board Vice Chairman chuan, ZPM hian Notice to interested person an bawhchhiat nasat thu sawi in. He dan sawi ang hi chuan Collector-in a website-ah leh hmun remchang ram lak turah emaw, a bulah emaw public notice a tar chhuak tur a ni a. Ram lak tur chungchanga hamthatna emaw hlawkna emaw nei zawng zawngte chu public notice a tarna hun leh hmunah public notice chhuah atanga ni 30 aia tawilo leh thla 6 aia rei lo chhungin Collector hmaah an inlan tur a ni a. Lalduhoma leh a Adviser-ten helai thu Zonet kaltlanga an sawi pawh kha an sawi dik lo niin a lang a. Preliminary Notification-ah khan section 15 sawi lan a ni a, section 21 hi sawi lan a awm lo a, section 21 hnuaia public notice hi hmuh tur a awm lo bawk niin a lang a. MNF Sorkarin NOC a pe tih hi ZPM hian an sawi teh chawk a, Lengpui ram an hralhna tur atana an dan hman RFCLRR Act, 2013 hnuaiah hian NOC sorkarin a pek tur ziahna a awm lo a, he dan hi MNF hian a hmang hman lo bawk a. NOC hi ZPM Sorkar hnuaiah ni 29/4/2024 khan ADC/RO counter sign thlap a awm thung a ni, a ti bawk. ( A full chu chanchinbu lamah)
