Court lehkha lem hmanga Jail atanga mi 16 chhuah tir zinga mi 3 man let an la nilo. He thil-a mawhphurtu naktuk-ah Courth-ah hruai dawn.
Court lehkha lem hmanga tunhnaia Lunglei District Jail atanga mi 16 chhuah tir an nih chungchanga a mawhphurhtu a ngaih, Jeremy Lalthangtura chu thu zawh fiah turin Lunglei Police ten an kawl mek a. Jail atanga chhuah tir zingah man let loh mi 3 an la awm.
Lunglei District Jail thuneitu chuan, mi tu tih hriat loh ten Court lehkha lem ni ngeia hriat hmanga District Jail thuneitute an bumna chu Kumin kum tir lam atanga in tan a nih thu leh Jail tang te chu vawi khata chhuah tir vek an nih loh bakah, a khat tawkin a mal te te a chhuak an nih thu an sawi. Court lehkha chu a lem a ni nge ni lo an hriat loh avang leh rinhlehna an neih loh avanga Jail tangte chu chhuah tir thin an nih thu sawiin, Tun thla April Ni 15 ah Jail tang pahnih chhuah tirna tur lehkha an dawng leh a, hei hi Court lama produce tur niin District Court Lunglei chuan lehkha chu anmahni tih chhuah a nih loh thu an sawi tak avangin, rinhlelhna alo awm tan tih District Jail thuneitute chuan an sawi a. A hmaa Jail tang an lo chhuah tir tawhna te pawh lehkha lem a ni thei tih rinhlelhna a awm tak avangin, District Court thuneitute chuan April Ni 27 khan Lunglei Police Stationah FIR an thehluh a ni.
FIR bawhzui hian Lunglei Police te chuan chak takin hma an la a, he thil thleng chungchanga a mawh phurtu nia hriat Jeremy Lalthangtura chu Court remtihna angin, Zirtawpni khan thu zawh fiah turin District Jail atangin Lunglei Police Stationah an la a. Darkar 72 chhung kawl phalna an neih thu leh hemi chhunga thu an zawh fiah hnuah, naktum May ni 4 hian District Court lamah an kal pui dawn a ni. Jeremy Lalthangtura chuan Court lehkha lem hmanga Jail tang chhuah tir an nih chungchangah ama tih ngei a ni tih a pawm thu a sawi a, hetih rual hian a statement a thlak zing hle tih Lunglei Police te chuan an sawi bawk.
Mizoram Today thudawn danin Jeremy Lalthangtura hian mi bum na dangah pawh thubuai a lo nei tawh ni a sawi a ni.
