Dampa bial-ah Dr. Thangtea campaign chhunzawm zel
Dampa bial by-election lo awm tur a MNF official candidate Dr. R. Lalthangliana chuan campaign chhunzawm zelin, nimin khan W. Lungdar leh Khawrihnimah khua a tlawh.
Dr. R. Lalthangliana chuan, India ramah District hnu fual bik Aspirational District (District khaichhuah ngai bik) 100 chuang zet zingah Mamit District hi kan tel ve hlauh tih sawiin, hei hi thil zahthlak lam ni lovin, theihtawpa tan kan lak leh hmalakna tur a tamna lai a kawk zawk a ni, a ti a. Kan hnu fualna lai tak hi kan chhawr tangkai a, kan hman thiam a tul zawk a, thuneihna pek kan nih chuan tih tur a tam hle dawn a ni, a ti bawk. Health Minister hlui Dr. Thangtea hian Reiek PHC building a hun laia sak zawh leh hman zui nghal chu a tlawh bawk.
