Dampa bial by-election lo awm tur atan Final Electoral Roll tlangzarh.
Vawiin 30.9.2025 khan Dampa bial by-election lo awm tur atana Final Electoral Roll chu, District Election Officer K. Laltlawmlova chuan Mamit DC Conference Hall-ah a tlangzarh.
District Election Officer chuan Final Electoral Roll tlangzarh tura peihfel a ni chu lawmawm a tih thu a sawi a, a hun taka Roll tlangzarh thei tura Elections Officials, khawtlang hruaitu, tlawmngaipawl leh Political Party te thawhpuina-ah lawmthu sawiin, India khua leh tui dik tak, kum tling chin, Roll-a chuang ten, khua leh tui kan nihna anga kan chanvo kan hlen theih nan, kan aiawha rorel tur thlang turin 2-Dampa bial By-Election kan hmachhawn turah vote thlak theuh turin a sawm bawk a ni.
Dampa biala-ah hian Vote nei Mipa 10605 leh hmeichhia 10185 an vaiin 20790 an awm a. Draft Roll atanga vote nei punna chu 385 a ni a. Final Roll tlangzarh takah hian Polling Station 41 awmin, Polling Station Pakhat zel-ah Elector 507 awm ang an ni a. Voters tlemna ber hi Zopui Polling Station niin Voters 30 a awm a, Voters tamna ber chu Silsury -I Polling Station niin, Voters 1103 an awm a. Service Voters 115 a awm bawk a ni.
