AMC Corporator Dr. Mala'n P&E dept. Hotute hnenah Aizawl chhim lam harsatna a thlen.
Furpui kan hmachhawn mek karah Kulikawn, Tlangnuam pumpui leh Hlimen thlenga harsatna tawh tam ber chu Power line chhe zing lutuk leh thawktu indaihlo lutuk kara thawktute rim lutuk hi a ni. Hengte tihziaawm anih theih nan Dr. Mala, Ward XIX-na Corporator chuan Power & Electricity Dept. Engineer-in-Chief leh Chief Engineer (System Operation) te chu vawiin May 25.2026 khan an pisaah hmuin ngenna a thlen.
Fur khuaah hian thli leh ruah thawkin Electrict Line nasa takin a tichhe thin a. Thingzar tliak leh hrui chatin eng hmuh tur a tikhaihlak nasa thin hle a. Ward XIX-na area chhunga vengte hi 132KV Power Sub Station Melriat atanga lak a ni hlawm a. Power lakna kalkawng thui kual tak hian êng hmuhnaah harsatna nasa tak a thlen thin a ni.
Heng harsatnate hi Dept. lam hotute hnenah Dr. Mala chuan a thlen a, Department hotuten tha taka lo dawngsawngin tihdanglam dan tur ngaihtuah an tum thu an lo hrilh a. Dept. lam hotute pawhin, helai area-a Damdawi In leh Zirna In a tam avanga damlo leh zirlaiten harsatna an tawh pawh an hriatthiampui thu an sawi a, a tul anga hmalak an tum thu an lo hrilh a ni.
Thawktu indaihlo chungchang pawh sawiin, Dept. hotute chuan Sorkarah an dil belh dawn thu leh sorkar pawhin a ngaihpawimawh avanga chak taka hmalak an tum thu an lo sawi bawk.
