Vawiin October ni 31, 2025 (Zitawpni) hian Dr.R.Lalthangliana, 2-Dampa (S/T) Assembly constituency by-election a MNF official candidate chuan Phuldungsei, Phuldungsei veng thar leh West Phulpui khuate a tlawh a, party hruaitute nen inkawmhona an nei.
Dr. Thangtea chuan, Pathian leh mipui zarah thlan tlin anih chuan bial chhung inkalpawhna kawng siamtha turin theihtawp chhuah a ni ang a, District Capital inkalpawhna kawng (link road) awm sate thuamtha tur leh khaw chhung inkalpawhna kawng tlabal tawh siamthat te, kuthnathawktute tan Agriculture Link Road tam zawk siam tura theihtawp chhuah a tum thu bakah a ngaih pawimawh hmasak tur thu a sawi.
Dr. Thangtea chuan Dampa chuan hnuai lamah hian hmunphiah chingtute an mangang hle a. Pu Rintluanga khan mahal a phallo a, kg-ah Rs. 130/140-te in an hralh a, tunah Kg-ah rs.30/40 ten an hralh ta a, hmunphiah chingtute an khawngaihthlak takzet a. Ni 100 inhlawhna a awm tha bawk si lo a. Electric bill a let tam takin a sang bawk si a, card vara late tan ration buhfai man a let thawkin a pung a, mipui an khawngaihthlak a tih thu leh sorkar hian hmunphiah chingtute ngaihven se a duh thu a sawi bawk.
