Ex-MNA in Total Band neih a ngai a nih chuan an thlawp dawn.
Ex-Mizo National Army hian vawiin khan Aizawp Press Club-ah thuthar lakhawmtute an kawm a, an President H. Rochungnunga chuan, MNF leh India sorkar in kum 1986, June ni 30 ah inremna thuthlung ziak a, Article 37 (G) hmang in Mizoram chu in hum himna kulh chhungah him leh zalen tak a kan khawsak theih na turin min hung tlat a. Chu thuthlung chu a chhung a cheng te mai ni lovin, Mizo hnahthlak ram dang leh state dang a awm te nen a par kan tlan za a ni.
Tun a kan sorkar na chelh mektu ZPM sorkar in forest Ammendment Act (FCAA) 2023 adopt na tur official Resolution chu Assembly House in a pass ta mai hi kei ni EX- MNA Association chuan kan duh lova, Mizoram in humhimna bang sat chhe tu ah kan ngai, Article 371 (G) hi a lo pian theih nan thisen tam tak a luang a, mi tam takin nunna an hlan a, tawrhna sawi sen loh paltlang a ni. Chuvang chuan vai tlawn nan mai a hman hi kan phal lo a ni. He article hi kan theihna zawng zawngin kan hum him zel dawn.
Joint Civil Society of Mizoramin tha thlah lovin theihtawpin Mizoram Sorkar ngenin an bei a, vawiin chauh ngaihtuah lova naktuk lola thleng tur, kan tu leh fate tana chenna tlaka kan ram hi buatsaih a tul takmeuh a. Political Party zawng zawng leh Tlawmngai pawl zawng zawngte pawhin ngun taka ngaihtuahna seng a, kan ram leh hnam hmabak kan thlir a tulin, ataka kan chetchhuah ngam a tul ta takzet a ni.
Joint Civil Society of Mizoram(JCSM)te ngenna an tih hlawh chham avangin MNF chuan October ni 29 ah TOTAL BAND nei turin a in buatsaih mek a, Total Band neih kher ngai lovin, hnuk kir leh mai turin Mizoram sorkar hi kan ngen a. Chuti ni lova Total Band neih a ngai a nih chuan kan thlawp tlat dawn a ni.
Mizo mipui zawng zawngte Total Band hi thlawp tur leh, Total Band neih a ṭulna chhan zir chiang a, Mizoram leh Hnam hum him nan Article 371 (G) min vawn him pui tlat turin kan sawm che u a ni.
