Forest Minister in lehkhabu tlangzarh
Nimin khan Environment, Forest and Climate Change Minister Lalthansanga chuan, Mizoram EIACP Hub, Mizoram Pollution Control Board leh Developmental Biology & Herpetology Lab., Department of Zoology, Mizoram University tangkawpte’n an buatsaih ‘Pictorial Guide on the Herpetofauna Discovered/Reappraised from Mizoram’ tih lehkhabû chu a pisâ-ah a tlângzarh.
Lehkhabu tlângzarh hi kan ram chhûnga ramsa chi hrang tam tak awm zînga tui leh khawmuala chêng kawp thei leh bawkvâka kal chi- rûl, laiking, chawke leh a dangte thlalâk leh hrilhfiaha târ lanna a ni. He lehkhabû-ah hian hetiang ramsa, Mizoram chhûnga tam tak awm zînga tlêmtê chauh târ lan rih a ni.
Minister chuan kan ramah hetiang nungcha danglam tak tak leh vâng tak tak kan nei hi ngaihhlut nachâng hriain an mang mai loh nân a humhalhna kawngah theihtâwp chhuah \heuh turin mipuite a ngên a ni.
Mizoram hi Indo-Myanmar biodiversity hotspot huam chhûnga kan awm avâng hian nungcha chi hrang tam tak an awm a, chûng zinga tam takte chu ram danga hmuh tur awm zen zen lo leh hmuh ngai miah lohte pawh an awm ṭeuh a ni.
