Health Minister in MSACS office thar a hawng.
Health Minister Pi Lalrinpuii'n vawiin March 17, 2026 khan MSACS pisapui tur State Resource Centre for HIV/AIDS Building thar MINECO-ah a hawng.
Health Minister chuan kum 1990 a Mizorama HIV hrik kai hmuhchhuah an nih hnu kum 36 lai hnuah mahni pual bualding a nei ta mai chu thawktute tih tak zeta a lawmpui thu a sawi a. Hetianga building tha sak anih lai hian Mizoram hmun thenkhatah hriselna lama inenkawlna hmun building thar tha tawk lo awm chu pawi a tih thu a sawi.
HIV leh AIDS natna bika Mizoram dinhmun hi a enkawltu minister tan pawha zahthlak a ni, chuvangchuan tun tumah hian uar lehzualin kohhran ten hma min lakpui turin ka ngen che u a. Kohhran tangrualte hian nupui pasal neih hmaa HIV kai leh kai loh in test pawimawhna te kohhran mipui min zirtir ula, sawrkar anga a remchan lohhran lai te a awm thin avangin sawrkar hian HIV darh zel tur dona kawngah nasa takin hna a thawk thei a ni, a ti.
He building hi Kum 2022 daih tawha sak tura ruahman a ni a. MSACS pisapui hi North East Special Infrastructure Development Scheme - Other Than Roads Infrastructure (NESIDS-OTRI) Funding Agency an ni a, in sakna tur hi vaibelchhe 4 chauh ni mahse a satu contractor Pu Lalnunmawua, Bawngkawn Nursery, Aizawl hian thahnemngai taka a sak thu a sawi a. Kumin March tha tir khan MSACS hian an luahlut a ni.
