IAF-in Lengpui ram a lei chuangchang-a Dr. Thangtea resolution put luh pass a ni.
Nimin Ni 6.3.2026 Assembly Session-a Dampa bialtu MLA Dr R. Lalthangliana resolution put luh, " IAF in Lengpui ram an lei chungchang CBI-in an chhui chhuah thuai theih nan, Mizoram sorkarin rang taka bawhzuiin chak takin hma la rawh se" tih chu lungrual taka pass a ni.
Assembly Session-ah hian Dampa bialtu MLA Dr R. Lalthangliana resolution 'Indian Airforce in Lengpui ram an lei chungchangah dan bawhchhiatna nasa tak leh corruption a awm ngei nia lang chu, Mizoram mipui duh dan ang ngeiin CBI-in an chhui theih nan, Mizoram sorkarin hma la nghal rawh se' tih sawiho a ni a. Sawihhona-ah hian eptu party member-te chuan resolution hi a nihna anga pass an duh thu an sawi a ni.
Rorel lai party member-te erawh chuan resolution chu siam danglam hret a, "Mizoram mipui duh dan ang ngeiin CBI-in a chhui mek hi chak tak leh dik takin chhui rawh se" tia thlaka pass an duh thung a. Session a thukhawmte duhdanin "Indian Airforce in Lengpui ram an lei dan chungchang-ah dan bawhchhiatna nasa tak leh corruption a awm ngei nia lang chu, Mizoram mipui duh dan leh beisei ang ngeiin CBI-in an chhui chhuah thuai theih nan, Mizoram sorkarin rang taka bawhzuiin, chak takin hma la rawh se" tiin resolution hi lungrual taka pass a ni.
