Israel tan BJP an tawngtai. Hamas tan Congress an tawngtai. BJP State Vice President.
BJP Mizoram chuan vawiin 2nd March 2026, Thawhtan khan BJP Mizoram State Office, Mipui Run Upper Republic-ah karthar inhlanna leh Political Session an nei a. State Vice President Vanupa Zathang chuan thu sawiin, Israel hi keini Mizoram chuan tun hma a tang tawhin kan ngaihluin kan tan em em a, Pathian hnam thlan te an nih vangin, buaina a awm hlek chuan Israel kan tan thu kan sawi chhuak thin a, kan tawngtaipui thin a ni, a ti.
State Vice President chuan, India ramah UPA, Congress kaihhruai in ro an rel laiin, Israel hi an thian tha an ni ngai lova, Israel hmelma Palestine ram lam an be tha thung a, Israel nen inkungkaihna tha an nei ngai lo a ni. A chhan ni a lang chu Congress Party ah hian Muslim hian hmun thuk tak an chang a, an zawlpui ram zawk Palestine, Hamas hel ho awmna, Muslim ram an tlawh thin a, Congress Party te chu Hamas ho lam tan an tawngtai thin a ti.
BJP Sorkar a lo piang a, PM Modi chuan Israel nen an in thian thatna a ngaihpawimawh avangin, Israel lam a hawi thung ni a sawiin, State Vice President chuan, Israel PM meuh pawhin India Prime Minister Pu Modi an a tlawh vawikhat na ah pawh, hetiang hun an lo nghah rei tawh thu Israel Prime Minister pawhin a sawi hial a ni, a ti a. Tun hnaiah pawh PM Modi chuan Israel a tlawh tumin, Israel Parliament Knesset ah thusawina hun tha tak an pek bakah, Israel Parliament chawimawina sang ber Speaker Of the Knesset Medal an lo hlan hial a. Chuvangin BJP chuan Isreal ram tan tukverh te an hawng a, Israel tan an tawngtai thung a ni. Hei ringawt pawh hi Mizoram mipui hian kan ngaihtuah ve a hun ta, Congress Party leh a thuihhruai ten dawt hmanga BJP an beihna thanga kan awh na hi kan chhuah vat loh chuan kan State pa chhe tak hma lam hun hi a thim hle dawn a, thalai tamtak beidawng mek te hmakhua hi ngaihtuah ngam loh khawp a ni ang a ti bawk.
