JAC on NH Kolasib in tun thla ni 16-ah NHIDCL office hual an rel.
An thuchhuah tlangpui.
Joint Action Committee on National Highway, Kolasib Office Bearers Meeting Dt. 8/02/2026-a Diakkawn YMA Committee Room a neih chuan, Joint Action Committee (JAC) din nise alo tih angin, Kolasib a Commercial Vehicle Pawl hrang hrang te leh MUP, MZP leh Y4K te chuan Joint Action Committee (JAC) on National Highway, Kolasib chu din a ni.
Febuary ni 5, 2026 zan Dar 7:30 khan Joint Action Committee (JAC) on National Highway, Kolasib chu a hmasa ber atan New Diakkawn YMA Library ah Committee neih nghal a ni a. Hemi zana JAC thurel chuan Kolasib District leh khawpui chhung kawngpui chu ngaihthah anihna a rei tawh em avang leh Pawl hrang hrang leh sorkar lam atang pawh a nawrna vawi tam tak a awm tawh chung pawha hmalakna hmuh tur a ala awmloh reng avangin, a siamtu tur NHIDCL te chuan Mizoram mipui te min zah lo in min thamlo hle ani, a ti a. Kum 2 chuang Furpui kan tuar tawh chung a, tun thleng a hmasawnna a bei tham zia leh kawng siamtu NHIDCL leh an Contractor te hian chhuanlam an la neih nitin mai avang hian, kumin 2026 Fur lo thlen hma hian eng dinhmun ah mah min thlenpui leh dawn chuanglo ni a alan chian em avangin, JAC chuan Dt.16th February 2026 (Dar 11:00am) hian NHIDCL Office chu mipui nen ‘Hual’ hnatlang neih an rel a. Hemi Ni hian Kolasib mipui a tam thei ang ber tawiawm turin a sawm nghal bawk.
NHIDCL Office Hual Hnatlang ah hian Banner te siam niin NHIDCL chu Mizoram kawng siam tur a an Fit tawk loh zia te tarlan nise an ti a. An General Manager BK Srivasthava leh Project Manager Saksham Tyagi te chuan Kolasib bakah Mizoram chhuahsan tura tarlan a au khum nise a ti a. Tin, heti tak a Mizoram mipui te min zahlo a, Kolasib mipui te min thamlo em em tu te hian, kha leh chen hna thawh na hun an neih tawh ah khan, vawiin thleng a hmasawna hmel thar tha min hmuh tir tur an la neihloh avangin an Office hi Kalh sak nise an ti bawk.
Hemi karah hian an hnuai a Contractor (J Infratech/ JANDHU , Balaji leh BR Goyal) te chu an hnathawh lai chawl lo tur leh a hmaa an Bill tih tan sak thin pawh ti tawhlo turin an hriattir bawk a ni.
Heng zawng zawng te avang hian JAC chuan Kolasib leh Zoram mipui te kan tawrhna hi a na tawk tawh ani tih hria in leh kan tawrh belh zel loh nan NHIDCL te hian BK Srivasthava (General Manager) leh Saksham Tyagi (Project Manager) te hi a rang thei ang ber a Mizoram atang a transfer anih theih nan hma a la nghal mek a. An lakah hian Kolasib mipui te hian kan lawm loh zia lan tir nan NHIDCL Office Hual Hnatlang koh a lo tul ta a ni.
