John Rotluangliana in thlan tlin hian 2028-ah NLUP in thlang tling leh tihna a ni. MPCC President
Vawiin khan Congress party chuan Dampa bye-election lo awm tur atan Campaign Kick-off New W Phaileng, Dinthar Bazar ah kan nei.
Campaign hawn naah hian, MPCC President Lalthanzara chuan thu sawiin, "Nimin-a Central Minister a rawn kal khan, 'Centrala Congress sorkar hian Mizoram tan engmah an ti lo' tiin a sawi a. Centrala Congress khu District Council min pe tu, UT min pe ti, State min pe tu an ni, a ti a. State BJP president Dr K. Beichhua pawh in Centrala BJP sorkar khu engkim min pe tu an ni a ti a, Mizoram-a hmasawnna sawintur chihrang hrang Airport, Medical Hospital, Stadium bakah ram hmasawnna hrang hrang min pe tu chu Congress sorkar a ni, a ti bawk.
Lal Thanzara huan, Kohhran rawngbawltu chu thudik sawi tura beisei an ni a, Chief Minister in hmanni lawka helai hmuna Thenzawl thlenga Rel kawng siam nan cheng Vaibelchhe 4000 an dah a tih kha a mumang anih ka ring, a ti a. Mamit District Aspirational District, Mamit District chawikan duh bik atan Congress sorkar khan a lo thlang a, in hnufual vang te, an tihduhdah vang leh hmuh hniam vang che u a thlang che u an ni lo. Dawmkan tura an duh District in nih vang a ni. Hei hi kan Chief Minister hian a hresual em ni chu aw ka ti, a ti bawk.
MPCC President chuan, Dr. Thangtea kha a hnathawh tarlannaah Referal Hospital thlalak a ti langa. He Hospital hi MNF sorkar hmasa khan an sa chhe lutukna, ar inah an chhuah a. An sak laiin endiktute an rawn kal laiin damlo der te an lo dah, mahse fund lo kal tur kha an sak chhiat em avangin central chuan an titawp ta a. Lal Thanhawla sorkar a lo pian khan din thar in Medical College ah kan chhuah ta a. MNF an lo sorkar leh a, a hming te an thlak ngam a ni, a ti bawk.
MPCC President chuan, Dampa by-election ah hian John Rotluanglian thlang tling ngei tur a ngen in, Minority te hmangaih tu a ni a, Dampa bial tan pawh hian hma nasa taka la thei tur a ni, a ti a. Ani in thlan tlin hian 2028 ah NLUP in thlang tling leh tihna a ni. Congress kan sorkar leh chuan NLUP changtlung zawk kan siam dawn a ni tih ka puang duh a. Congress chuan kan ti ang kan tih chu kan ti thin, dawt kan sawi ve dawn lo, a ti bawk.
Dampa bial INC Candidate John Rotluangliana pawhin thu sawiin, Tun tum bye elction ah hian a sorkar lai ZPM hi an hlauthawng hle a, a chhan ka hmuhchhuah chu he sorkar ah hian mipui an beidawng em em a. Buhfai man te hi a let thawkin an tipung a.
ZPM sorkar ah hian bazar ah te hian pawisa lengvel hi a awm lo, mahse dawt leng vel a tam thung a. Helai bialah hian Chief Mimister Special Package an rawn zuar a engah nge Chief Minister bialah an zawrh loh? Engah nge Aizawl-ah pawh an zawrh loh? Helai bialah chiah an rawn zuar hi an hmusit hle che u a ni, a ti bawk.
He Campaign Kick-off programe hi Rev Lalremliana Colney, chuan MPF aiawhin a kaihruai a, Dr. Lalmalsawma Nghaka, Treasurwr, MPCC chuan thu a sawi a, Lalnunmawia Chuaungo, Sr. Vice President, MPCC chuan lawmthu sawina a nei bawk a ni.
