Kalphung Thar Sorkarin Urban Local Bodies Awm Lovah Aizawl Min 'DAH' Mek. MPYCC
Vawiin khan Congress Thalai (MPYCC) chuan thuchhuah siamin, ZPM sorkar hian mipui an zah lohzia lantirnan AMC term tawp tawh Extend-na dan pawh awm lo, Urban Local Bodies awm lovah Mizoram khawpui Aizawl chu enkawltu mumal awm lovah min dah mek a. Hei hi AMC inthlan a hun taka an hmachhawn ngam loh vangah Congress Thalai chuan a ngai nghet tlat a ni, an ti bawk.
MPYCC chuan hriat theih chinah state Assembly Session te, School naupang Exam avangtea AMC inthlan sawn hlat hi a la awm loh laiin an chan thatna tur a nih chuan VC leh LC inthlan pawh mipui thlan chhuahte term pawh tawi sak avanga Court hial kal ngai khawpin inthlan hun an lo sawn hma tawh a, tunah AMC inthlan a hun taka inthlang thei lovin an chan that hun nghakin an sawn hla leh ta hi phuahchawp sorkar an nihna leh kalphung thar rintlak loh zia tichiangtu ah Congress thalai chuan a ngai a ni, an ti bawk.
