Kan sawi-ah ni loin kan thil tihah min lo teh zawk rawh u
Dr. Thangtea
Dampa bial by-election a MNF official candidate Dr.R.Lalthangliana chuan MLA-te hi dan siamtu an nih mai bâkah, ram mipui rawngbawltu an nih avangin, an hun chhûngin sûlhnu ṭha leh sawizui tlak rotling bial chhûng tan hnutchhiah tum a pawimawh ber fo a. Chumi ti tur chuan Pathian leh Dampa bial mipuite zarah theihtawp chhuah ka tum tlat dawn a ti.
Dampa bial khaw hrang hranga campaign a cham mek, Dr. R. Lalthangliana chuan khaw hrang hrang a tlawh naah, Lalrintluanga Sailo-in hmachhawp a lo neih tawhte hlen-chhuak ngei tur leh, thawhpuiah Dampa bial mipui leh he lai biala vote nei zawng zawng te, bial pawn lam mite pawh, kan party mipui zawng zawngte ka sawm che u a. Kan sawi-ah ni loin kan thil tihah min lo teh zawk ṭhin turin ka ngen che u a ni, a ti.
MNF General Secretary Er. K. Lalsawmvela pawhin Dr. Thangtea hi tun hmaa zirlai hruaitu ni thin, Shillong-ah MSU President hmasa ber a ni a. MNF anih atanga party danga la nghing chhin eih lo a ni a, Mizo Nationalism thinlung pu dik tak a ni. India hmarchhak leh Central India pawhin an mi hriat leh ngaih pawimawh a ni a, Minister anih a piangin a department enkawl reng rengte hneh tak leh chak taka enkawl thin a ni a. Amaha theihna awm leh a nihna tak hi pholang thei turin lo thlang tling u la, in inchhir lo khawp ang, in zawng chhang hle in ka ring a ti bawk.
